منتديات أنبــــــــار ألحب

اهلا بكم في منتديات انبار الحب
 
الرئيسيةمكتبة الصورس .و .جالأعضاءالمجموعاتبحـثالتسجيلدخول

شاطر | 
 

 دجلة يحضن الفرات

اذهب الى الأسفل 
كاتب الموضوعرسالة
علي السامرائي
مشرف منتدى الصور والفوتغراف
مشرف منتدى الصور والفوتغراف
avatar

ذكر عدد الرسائل : 237
العمر : 32
تاريخ التسجيل : 18/03/2008

مُساهمةموضوع: دجلة يحضن الفرات   الجمعة مارس 21, 2008 1:21 pm

<HR style="COLOR: #eaf2fa" SIZE=1>




العراق يبجي بحضن دجلة والفرات

دجله
شبيك يا عراق خضارك صاير أحمر
محتركَ بيك اليابس ويا الأخضر
أشوفك على الجرف كل يوم
مليان حزن مليان هموم
جرحك مبين
وطاغي عليك الألم
ودموع عينك تسيل
على خدك دم

العراق
شحجي شسولفلج يا دجلة
كولشي بيا أندار
ولدي مني وبيه
جرحوني وشعلوا النار
والكبار صاروا صغار
والصغار صاروا كبار
ولدي للأسف تغيروا وصاروا أشرار
مفخخات وأرهاب ونار وعواصف
ومنين ما أباوع لابسين حزام ناسف
ما خلوا كنيسة ما خلوا جامع
وكل بيت بيه شهيد
ونوح وبجي وتناهيد
وصراخ من كل صوب سامع

العراق
حتى المصارين تتعارك بين ضلوعك
تحمل يا عراق وأمسح دموعك
أعذرهم
الوكت غيرهم
والزمن غدرهم
ترى بعد بيك طيبين
وبيك أهل غيرة ومُحبين
ذولة بحبهُم يضون شموعك
تحمل يا عراق وأمسح دموعك

العراق
يا فرات لو يتعاركون
مو مشكلة نكـَدر نصالحهُم
بس ولدي صارو يكـتلون بعضهُم
أخ يقتل أخو وبالفلوس يغرو
والغني يبوكَـو وبعدين يهججو
والفقير يعدمو وبالشارع يذبو
والناس بالفضائيات تتفرج علينا
واليسوة والـ ما يسوة يتشمت بينا
شلون ما أجر حسرات
وشلون ما أبجي دم
والطيبين مثل حالي
بيهم هم يا بو هم

دجله

جم أوف تتحمل يا عراق
يا زينة الديرة
لا تكَـَول دجلة ما تحس بيه
لو حجايتها صغيرة
صحيح أنة بس أواسيك
بس بيه الألم بكثر ما بيك
وهم بيه حيرة
لكن أعرف كـَلبك بالصبر تاريخ جبير
وأعرف روحك بالحزن حضارة جبيرة
الأمل موجود
ولابد ولدك لأحضانك يعودون
لآن أنت أبوهم ومعلمهم الغيرة

العراق
الله يصبرنا على الـ ديصير
بأدين ولدي يتغير المصير
كولشي يروح فدوة ألهم
ذولة ولدي وهمي همهُم
آه .. آه
لو بس يتذكرون أيام الخير
شلون جانوا ملتمين
شلون جانوا متخاوين
مسلمين ومسيحين
صائبة ويزديّن
نتقاسم الخبزة سوية
وعشرتنا طيبة وهنية
وكَـَلوبهم تنام بيه
ونتنسم بالعبير
وبجناحي أحضنهم
مثل الطير


الفرات

أبجي وأشكي بأحضاني ياعراق
وأرتاح من حسراتك
وبمكان الآه كـَول يا ألله
لابد تـُفرج والصار بيك تنساه

العراق

الأمل بألله جبير يا فرات وغيرة ما عدنا
راضين أحنا لو هاي قسمتنا
نصبر وهم بعد نصبر
بس مرات أكعد وافكر
أكـَولن ليش عن كل العالم تفرق علتنا
وحك تراب الله الـ منها خلقنا
تعبنا هوايا والله تعبنا
مرة مرتين تلاثة تجربنا
رحمتك يا ربي رحمتك
غلطنا أكيد أحنا غلطنا
ما ننكرعلى خيرنا تبطرنا
بس لخاطر الأنبياء
لخاطر السماء
لخاطر الأبرياء
نترجاك وندعيلك
تفرجها و تسامحنا



تحياتــــــــــــــــــي
علي السامرائي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شمس العراق
مشرفه قسم المغتربين العراقيين
مشرفه قسم المغتربين العراقيين
avatar

انثى عدد الرسائل : 241
تاريخ التسجيل : 26/01/2008

مُساهمةموضوع: رد: دجلة يحضن الفرات   السبت مارس 22, 2008 9:48 am

الله الله مشكووووووور hfi علاوي وننتضر hfi جديدك ومشكووووووور hfi على زيارتك لقسمي hfi تحياتي الك



شمس العراااااااااااق iraqe
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن حديثه
مشرف قسم القصص والروايات
مشرف قسم القصص والروايات
avatar

ذكر عدد الرسائل : 554
العمر : 30
تاريخ التسجيل : 12/01/2008

مُساهمةموضوع: رد: دجلة يحضن الفرات   الأحد مارس 23, 2008 3:26 am

مشكورررررررررررررررررررررررررررررررررررررر وننتظر منك المزيد تحياتي الك iraqe
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن حديثه
مشرف قسم القصص والروايات
مشرف قسم القصص والروايات
avatar

ذكر عدد الرسائل : 554
العمر : 30
تاريخ التسجيل : 12/01/2008

مُساهمةموضوع: رد: دجلة يحضن الفرات   الأحد مارس 23, 2008 3:26 am

مشكورررررررررررررررررررررررررررررررررررررر وننتظر منك المزيد تحياتي الك iraqe
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دجلة يحضن الفرات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أنبــــــــار ألحب :: العراق الجريح :: منتدى المغتربين العراقيين-
انتقل الى: