منتديات أنبــــــــار ألحب

اهلا بكم في منتديات انبار الحب
 
الرئيسيةمكتبة الصورس .و .جالأعضاءالمجموعاتبحـثالتسجيلدخول

شاطر | 
 

 دارميات تحشــــــــــــيش

اذهب الى الأسفل 
كاتب الموضوعرسالة
علي السامرائي
مشرف منتدى الصور والفوتغراف
مشرف منتدى الصور والفوتغراف
avatar

ذكر عدد الرسائل : 237
العمر : 32
تاريخ التسجيل : 18/03/2008

مُساهمةموضوع: دارميات تحشــــــــــــيش   الخميس مارس 20, 2008 7:56 am

الدارمي والدعاء
-----------------






ريت الله لا ينطيك يالصحت بأسمه
فر فرة العصفور كلبي شيلزمه


,,,,,,,,,,,,,,,,,,,,,,,,,


ريت الله لا ينطيك يالماخذ هواي
حرمت روحي الزاد وي شربت الماي


,,,,,,,,,,,,,,,,


يا ربي اندبك دوم بالشده يا رب
كون البعيد اهواي عن عيني يكرب

,,,,,,,,,,,,,,

يا ربي يالمعبود يا خالق الكون
أترده اليه ابساع لا تعمه العيون

,,,,,,,,,,,,,

____________________


الدارمي والناقه
----------------




ناكه وشكثر للناس درن ثداياي
تاليه للكصاب ودتني دنياي


ما همني الكصاب العلك جلاي همني الصديج الكال عيرلي من هاي


ماهمني الكصاب ولا همني يكطع
همني العذول اهناك كاعد يوزع


ما همني الكصاب ولا همني ذباح
همني الصديج بساع كام وعلي صاح


ما همني الكصاب ولا همة احباب
همني العذول الجان كاعدلي بالباب


ما همني الكصاب ولا همني غيره
همني الصديج الكال من هالفطيره

,,,,,,,,,,,,,,,,,,,,,

ماكه وظهر مكسور عميه وعليله
وجماله فوك الضيم حملك اشيله



___________________________


الدارمي والمرض
------------------




سلني سل فركاك وأثر عليه
دورو حتى عضام ما لكوا بيه

,,,,,,,,,,,,,,,,,,,,,,

سلني سل فراك سواني عبره
صرت ارفع من الخيط وانلظم بأبره

,,,,,,,,,,,,,,,,,,,,,

سلني سل فركاك ناحل دعاني
بالمجهر يدوورون محد لكاني


______________________


الدارمي والحادي
-------------------



خاله النه طلبه وياك ريض يحادي
عيدت كله الناس وانه بسوادي

,,,,,,,,,,,,,,,,,,,,,,,,,

الحادي فنه يفوت الحادي فنه
دم للرجاب ايصير واخذه منه

,,,,,,,,,,,,,,,,,,,,,,,,

الحادي فنه يفوت يمس خدره
بالشمس اسوي كسوف والكاع اطره

,,,,,,,,,,,,,,,,,,,,,,

يالحادي لا تمشيش ريض يحادي
وأنه بكبر مطموم واعليك انادي

,,,,,,,,,,,,,,,,,,,,,

يالحادي وين تريد ماخذ حبيبي
ما مش دوه اللي يفيد انته طبيبي

,,,,,,,,,,,,,,,,,,,,,,,

__________________________


الدارمي والموت
-----------------


كون التريده الروح بمنازع يفوت
حتى التهي وانساج يا غصة الموت

,,,,,,,,,,,,,,,,,,,,

كون التريده الروح بس يحضر وياي
بيده يغمض العين وينكط الماي

,,,,,,,,,,,,,,,,,,,,

أكر اسكت الناس حتى الشماته
بس شرد اكل لهواك لو اجن خواته

,,,,,,,,,,,,,,,,,,,

هم بيه كبل الموت يالجنت اهم بيك
حل وكت المجازاة يالكلت اجاويك

,,,,,,,,,,,,,,,,,,,,

كبل المنيه بيوم تحضرني يهواي
بيدك تغمض العين وتنكط الماي

,,,,,,,,,,,,,,,,,,,,

يا وليفي ما انساك لمركع الخام
علكبر لو مريت تتحرك العضام

,,,,,,,,,,,,,,,,,,,,

________________________


الدارمي والشمات
--------------------


شماتي مو شمات شماتي بومه
بالكبر ويكولون سب الحكومه

,,,,,,,,,,,,,,,,,,,,,

شمسوي بدنياي وشماتي سبعه
والثامن صغيرون يأشر بصبعه

,,,,,,,,,,,,,,,,,,,

شماتي بالتشييع جت الهم فكره
للجنه خاف يروح طيحوه نكسره

,,,,,,,,,,,,,,,,,,,

شماتي مو شمات شماتي شمات
بالكبر وينشدون حي بعد لو مات

,,,,,,,,,,,,,,,,,,,

أتجلد بممشاي ناحل تراني
خوفي من الشمات مو من زماني

,,,,,,,,,,,,,,,,,,

ميت والمعزيات موش امهاته
يتنادزن بسكوت يبجن شماته

,,,,,,,,,,,,,,,,,

_______________________


الدارمي والليل
----------------



اثنعش ساعه الليل يا ناهي واثنين
يسمر وحك عيناك ما نامت العين

,,,,,,,,,,,,,,,,,,

انهجم بيت النام واعمضت عينه
ساعه اعله ساعه يزيد نوجه وونينه

,,,,,,,,,,,,,,,,,

مانمت ربع الليل نشدوا المخده
والدمع دم يسيل للركبه حده

,,,,,,,,,,,,,,,,

مابيه اون وكتين ليلي ونهاري
من كثر وني عليم مل مني جاري

,,,,,,,,,,,,,,,,

ليل الشته يهواي مكدر انامه
حط بالكلب نيشان هاي العلامه


تحياتي علي السامرائي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسان الانباري
المدير العام للمنتدى
المدير العام للمنتدى
avatar

ذكر عدد الرسائل : 654
hguvhr : 0
تاريخ التسجيل : 02/12/2007

مُساهمةموضوع: رد: دارميات تحشــــــــــــيش   الخميس مارس 20, 2008 2:51 pm

هههههههه مشكووووووور علاوي وننتضر جديدك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hassan.forumn.org
ايمن البصراوي
مشرف منتدى الكمبيوتر والانترنيت
مشرف منتدى الكمبيوتر والانترنيت
avatar

ذكر عدد الرسائل : 170
العمر : 31
تاريخ التسجيل : 23/01/2008

مُساهمةموضوع: رد: دارميات تحشــــــــــــيش   الجمعة مارس 21, 2008 10:17 am

عاشت الايادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دارميات تحشــــــــــــيش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أنبــــــــار ألحب :: الترفيهيـــــــه :: منتدى النكت والتحشيش-
انتقل الى: