منتديات أنبــــــــار ألحب

اهلا بكم في منتديات انبار الحب
 
الرئيسيةمكتبة الصورس .و .جالأعضاءالمجموعاتبحـثالتسجيلدخول

شاطر | 
 

 الابـــــــــوذيــــــــات

اذهب الى الأسفل 
كاتب الموضوعرسالة
علي السامرائي
مشرف منتدى الصور والفوتغراف
مشرف منتدى الصور والفوتغراف
avatar

ذكر عدد الرسائل : 237
العمر : 32
تاريخ التسجيل : 18/03/2008

مُساهمةموضوع: الابـــــــــوذيــــــــات   الثلاثاء مارس 18, 2008 7:20 am

اروح وارتحل عنك وردليك
ومن بستان كلبي ارسل ورد ليك
يمعذب كلب دامي واردليك
رسائل شوك وياهن هدي

،،،،،،،،،،،،،،،،،،،،،،،،،،


حبيبي ليش تهجرني. ونهواك
اطيعك وامتثل للامرك.ونهواك
ليش العالم بالهوى ارتاحت.ونهواك
سلب مني العكل واثر عليه
،،،،،،،،،،،،،،،،،،،،،،،،،،،،
عندي عيون عافني… وجلك
وشخصي ما يجل احد… وجلك
مرمرخالقك ربنه …….. وجلك
وذبك يا ترف ورطه عليه
ـــــــــــــــــــــــــــــــــــــــــــــــ
عليمن منشده فكري وبالي
على اللي سبب الروحي وبالي
صرت مثل الخشب يابس وبالي
وحتى النار ما تنشدعليه
[/size]




[size=21]ثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
تغيب الروح بغيابك واردها


كتاب جفاك من عندك وردها
روحي بفركتك يذبل وردها
شمس انت وتنور الدرب ليه


تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه



الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة

خطك على النبض يشتغل بية






تحياتي علي السامرائي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شمس العراق
مشرفه قسم المغتربين العراقيين
مشرفه قسم المغتربين العراقيين
avatar

انثى عدد الرسائل : 241
تاريخ التسجيل : 26/01/2008

مُساهمةموضوع: رد: الابـــــــــوذيــــــــات   الثلاثاء مارس 18, 2008 8:50 am

مشكووووووووووووووووور علي وننتضر منك المزيد بس هاي مو هنا مكاناه بقسم الشعر الشعبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر البغدادي
مشرف المنتدى الاسلامي
مشرف المنتدى الاسلامي


عدد الرسائل : 90
تاريخ التسجيل : 01/02/2008

مُساهمةموضوع: رد: الابـــــــــوذيــــــــات   الثلاثاء مارس 18, 2008 8:52 am

مشكووووووووووووووووووووور ابو حسين على هاي الكلمات الجميلة وانت اجمل ونشاء الله ننتضر منك المزيد اخوك عمر البغدادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايمن العبيدي
المراقب العام للمنتديات
المراقب العام للمنتديات
avatar

ذكر عدد الرسائل : 449
hguvhr : 0
تاريخ التسجيل : 03/12/2007

مُساهمةموضوع: رد: الابـــــــــوذيــــــــات   الثلاثاء مارس 18, 2008 9:07 am

مشكوووووووووور ومنقول الى قسم الشعر الشعبي وتحياتي الك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سناريا
مشرفه قسم الشعر الشعبي
مشرفه قسم الشعر الشعبي
avatar

عدد الرسائل : 16
تاريخ التسجيل : 13/04/2008

مُساهمةموضوع: شكرا   الثلاثاء أبريل 15, 2008 2:41 pm

شكرا جزيلا على مشاركتك الحلوة و ننتضر المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الابـــــــــوذيــــــــات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أنبــــــــار ألحب :: الادبيـــــــــــــــــــــه :: منتدى الشعر الشعبي-
انتقل الى: